गल्लीतला रस्ता खाचखळग्यांचा आहे;
म्हणून कालपरवापर्यंत नगरसेवकाला शिव्या देणारे आमचे 'आळी ' कर ;
आज रस्ता सिमेंट काँक्रिटचा केल्यावर ,
तो वाळण्याआधीच त्यावर ठसे उमटवत बेधडक चालले...!!!
हे नालायकांनो, आता परत कधी नक्राश्रू ढाळू नका ;
विकास होत नाही म्हणून... !!!
आणि कोण कौतुक करणार तुमचं या पाउल ठशांबद्दल ;
कारण ही तुमची विध्वंसक पावले म्हणजे
काही चंद्रावर उमटलेली पावले नाहीत ;
मानवजातीला ललामभूत ठरलेली...
हे नालायकांनो, आता परत कधी नक्राश्रू ढाळू नका ;
विकास होत नाही म्हणून... !!!
ओल्या सिमेंटवर बेदरकारपणे उमटलेली तुमची ही नाकर्ती पावले
हा रस्ता आता कायमचा
मिरवत राहील त्याच्या छाताडावर ....
विष्णूच्या हृदयावरील "श्रीवत्सलांच्छना " सारखा .
हे नालायकांनो, आता परत कधी नक्राश्रू ढाळू नका ;
विकास होत नाही म्हणून... !!!
आता हे शासना,या ' प्रजासत्ताक ' नागरिकांना;
तू ही दे एक ' काव्यात्मक ' शासन ...
या विध्वंसक पावलांचा ;
एक शासकीय जाहीर 'पाऊल उंडे ' सोहळा साजरा करून ...!!!
हे नालायकांनो, आता परत कधी नक्राश्रू ढाळाच
विकास होत नाही म्हणून... !!!
©अंजली दाबके
©अंजली दाबके
